Ingurumenarekiko konpromisoa
Bere izaera dela-eta, ITELAZPIren jarduerak inpaktu handia du natura-ingurunean, zerbitzuei eusten dieten azpiegiturak, paisaiari dagokionez, sentikorrak diren kokalekuetan ezartzen baitira.
Sortu zenetik hartu du aintzat ITELAZPIk ingurumenarekiko konpromisoa. Konpromiso hori, erakunde txikientzat bereziki sorturiko Ekoscan ingurumen-kudeaketarako sistema ezarriz gauzatu du. Dena den, hori lehen urratsa izan da ondoren kudeaketa aurreratuagoa egiteko; besteak beste, ISO 14001 eta EMAS sistemetan oinarritutako kudeaketa egiteko, alegia.
Aurreko urteotan, komunikazio-zentroak mimetizatzeko, landare-hondakinak murrizteko eta olioak eta gasolioak egoki tratatzeko ahalegin berezia egin dugu, baita energia-efizientziaren eta zarataren arloan ere. Eta oso emaitza onak lortu ditugu.
- ITELAZPI EKOSCAN ziurtagiriaren titularra da 2005eko irailaz geroztik. Ziurtagiri hori 2006an eta 2007an berritu du, hartarako auditoriak gaindituta. Gaur egun ITELAZPI EKOSCAN PLUS Ziurtagiriaren titularra da.
- Mendira gunearekin herritarren eta ingurunearen arteko senidetzea indartzea bilatzen da.
- 2009an, ITELAZPIk 700.000 euro baino gehiago bideratuko ditu ingurumen-arloko hobekuntza-neurriak ezartzera.
